Akhil K Nair

അന്നൊരു അവധി ദിവസം ആയിരുന്നു.അത് കൊണ്ട് മൂട്ടിൽ വെയിൽ അടിക്കുന്ന വരെ ഉറങ്ങി തകർക്കാൻ തന്നെയായിരുന്നു എന്റെ തീരുമാനം. ഉറക്കത്തിൽ ഒരു ദു:സ്വപ്നം കണ്ടു, എന്റെ കൂട്ടുക്കാരോടൊത്ത് ഒരു കുളത്തിന്റെ പടവിൽ ഇരിക്കുകയാണ്.ഞങ്ങൾ മൂന്ന് പേരുണ്ട്. പല തള്ളുകളും അടിക്കുന്നുണ്ട് പരസ്പരം. അതിനിടയിൽ പ്രധാന തള്ളിസ്റ്റായ യദു ഒരു തള്ള് കഥ പറഞ്ഞു. "എടാ മച്ചാന്മാരെ.. ങ്ങക്ക് ഈ കൊളത്തിന്റെ കഥ വല്ലോം അറിയാമോ..? ഏകദേശം 20 വർഷം മുന്നേ ഒരു ചെറിയ ആൺകുട്ടി ഈ കൊളത്തിൽ മുങ്ങി മരിച്ചിട്ടുണ്ട്.. " ഞങ്ങൾ പറഞ്ഞു "സ്വാഭാവികം..കൊളത്തിൽ പിന്നെ ആരും തൂങ്ങി മരിക്കില്ലല്ലോ.... " അവൻ തുടർന്നു.. " എടാ.. സത്യാടാ.. തള്ളീതല്ല... അത് മാത്രല്ല ചെങ്ങായിമാരെ.. ഓനെ ഇവിട പലരും കണ്ടിരിക്ക്ണ്. അതോണ്ട് ഈ സ്ഥലം അത്ര safe അല്ലാട്ടാ.. " ഞങ്ങൾ അത് കേട്ട് പൊട്ടി ചിരിക്കുന്നതിനിടയിൽ എന്റെ ഒപ്പം ഉള്ള രണ്ട് പേരുടെയും ഏതോ ഒരു Friend ബൈക്കിൽ വന്ന് അവരെ വിളിച്ചു കൊണ്ട് പോയി.. അവർ കുറച്ച് മാറി നിന്ന് എന്തോ പറയുന്നുണ്ട്. ഞാൻ അതും ശ്രദ്ധിച്ചു അങ്ങനെ ഇരുന്നു. അതിനിടയിൽ ആരോ ശ്.... ശ്.... എന്ന് വിളിക്കുന്ന കേട്ടു... ...

പാവ കച്ചവടക്കാരൻ അയാൾ ഉണ്ടാക്കുന്ന പാവകൾ അത്രയും പേടിപെടുത്തുന്നതായിരുന്നു. എത്ര ശ്രമിച്ചിട്ടും അയാൾക്ക് ഭംഗിയുള്ള സാധാരണ പാവകളെ ഉണ്ടാക്കാൻ ആവുന്നില്ല.കടയിൽ പാവയെ വാങ്ങാൻ വരുന്ന കുട്ടികൾ പേടിപ്പെടുത്തുന്ന ഇത്തരം പാവകളെ കണ്ട് പേടിച്ചു പാവയെ വാങ്ങാതെ പോകുന്നത് പതിവായി.. നാട്ടുകാർ തന്നെ അടക്കം പറഞ്ഞു.. "അയാൾക്ക് ഭ്രാന്തുണ്ടോ ഇങ്ങനെ ഉള്ള പാവകളെ ഉണ്ടാക്കാൻ.. കുട്ടികൾ പേടിക്കില്ലെ... "എന്നൊക്കെ..  ഒടുവിൽ അയാളുടെ കൂട്ടുകാരനോട് തന്റെ നിസ്സഹായാവസ്ഥ അയാൾ വിവരിച്ചു..  " എന്നെ കൊണ്ട് പറ്റുന്നില്ല.ഞാൻ എന്റെ പരമാവധി ശ്രമിക്കുന്നുണ്ട്. നല്ല ഒരു പാവയെ എങ്കിലും ഉണ്ടാക്കാനായി..പക്ഷെ അവസാനം ചെന്നെത്തുന്നത് ഇത്തരം ഭയപ്പെടുത്തുന്ന ഒരു പാവയായിട്ടാണ്.. ഞാൻ ആത്മഹത്യയുടെ വക്കിലാണ്.. ജീവിതം തന്നെ വഴിമുട്ടി. അഷ്ടിക്ക് വകയില്ല.. ഈ പാവകളെ വിറ്റു വേണം വീട്ടു ചിലവ് നടത്താൻ.. " അയാളുടെ ഈ അവസ്ഥ കണ്ട് കൂട്ടുക്കാരൻ ഒരു വൈദികനെ പറ്റി പറഞ്ഞു കൊടുത്തു. ഇത്തരം വിശ്വാസങ്ങൾ ഏതുമില്ലെങ്കിലും അവസാന മാർഗം എന്ന നിലക്ക് അയാൾ വൈദികനെ ചെന്ന് കാണാൻ തീരുമാനിച്ചു. വിവരങ്ങൾ കൃത്യമായി കേട്ട വൈദികൻ അയാളുടെ കടയിൽ വന്ന് ...